Hierdie pragtige, landelike grasdak-venue is 'n lushof met groot, groen grasperke, omring deur loofryke bome en ander plantegroei.  Dit is die ideale plek vir 'n tuintroue, maar ons het ook 'n stylvolle, dog knus, onthaalsaal, met net soveel sjarme, wat tot 130 gaste kan akkommodeer.  Ons venue leen hom eweneens tot formele of informele dekor, volgens jou smaak en voorkeure.

Diamantvallei is sentraal geleë tussen Pretoria-oos, Johannesburg Internasionale lughawe (Kempton Park) en Cullinan met  Witbank maklik bereikbaar.  Roete-aanwysings.

Kinders is baie welkom - dit is uitsluitlik volgens die keuse van ons kliënte.

Akkommodasie

Bed en Ontbyt-akkommodasie is beskikbaar vir huweliksgaste of enige ander besoekers aan die area, wat graag naby aan die stad, maar tog nog in 'n landelike omgewing wil oorbly.  Daar is sewe dubbelkamers wat geskik is vir die doel.